【淺談歌詞與唱功之關係】
每當小弟睇番自己筆下作品
都會深深覺得自己比主唱嘅朋友們狠狠地CARRY左
因為主唱嘅朋友演繹得好
歌詞縱有沙石亦能被大家包容
例如《戀》中灑起雨粉四字我自己認為略顯老土
但HERMAN處理得十分俐落之餘違和感更係壓低不少
又例如《哈利路亞，CHANCE！》中兩段主歌於詞組偏排上並不完善
但MARK又可以為此調整唱法令主歌反添幾分熱血
呢種相輔相成之餘又化腐朽為神奇嘅感覺
令小弟次次收歌都深受感動
但當唱功同歌詞之間嚴重失衡嘅時候又係另一回事
就好似一份詞填得再不濟都可以被主唱拯救咁
即使語境意識不符主題之餘段落間亳無承接
即使用字再差再違和再空洞再令人費解
只要主唱唱得好的話
係可以令到一班根本無細讀歌詞嘅人
大讚首歌好正份詞好好
人類荒謬到咁我要點逃離呀師兄
每次見到呢種情況我都覺得成個世界劇震緊
從而萌生一個念頭：咁我填垃圾出嚟都有人讚啦
但個念頭隨即因為過唔到自己而被打破
因為我希望自己寫嘅野可以對得住幫我唱果位朋友
儘管可能唔夠好
但係要係我能力以內拎到出嚟最好
無錯我係好想自己出嘅首首歌都紅呀
我都會填熱門嘢去引起關注呀
但係如果有朝一日大家發覺我為左令首歌紅同得到關注
只靠主唱朋友CARRY而放棄左自己對份歌詞嘅要求
請務必提醒我
(呵呵就快有歌出喇今次個主唱又係好CARRY)
Search